دھوپ اور کاربن ڈائی آکسائیڈ سے پانی اور ایندھن بنانے والی شاندار ایجاد‎

کیمبرج یونیورسٹی کے ماہرین نے ایک ہی وقت میں دھوپ اور کاربن ڈائی آکسائیڈ سےآکسیجن اور ایندھن بنانے والا نظام تیارکرلیا۔ فوٹو: کیمبرج یونیورسٹی

کیمبرج یونیورسٹی کے ماہرین نے ضیائی تالیف (فوٹوسنتھسز)کے تحت ایک آلہ بنایا ہےجو ایک ہی وقت میں سورج کی روشنی اور کاربن ڈائی آکسائیڈ جذب کرتا ہے اور اس کے بدلے۔ پانی، آکسیجن اور ایک طرح کا ایندھن تیار کرتا ہے۔

اس طرح یہ بالکل درختوں کی طرز پر کام کرتا ہے جو سورج کی روشنی سے اپنی غذا اور آکسیجن بناتے ہیں۔ اسی لیے ہم اسے مصنوعی آلہ کہہ سکتے ہیں جو سورج کی روشنی استعمال کر کے پیداوار کے کام آتا ہے۔ اس میں جدید ترین فوٹوشیٹ ٹٰیکنالوجی استعمال کی گئی ہے جو دھوپ، پانی اور کاربن ڈائی آکسائیڈ کو براہِ راست آکسیجن اور فارمِک ایسڈ میں بدلتا ہے جسے براہِ راست بھی استعمال کیا جاسکتا ہے یا پھر ہائیڈروجن ایندھن میں بدلا جاسکتا ہے۔

اس کی بدولت شمسی توانائی کے فارم کی طرح توانائی کے مراکز قائم کرکے صاف اور ماحول دوست ایندھن حاصل کیا جاسکتا ہے۔ ڈاکٹر جیان وینگ اور ان کے ساتھیوں نے یہ آلہ بنایا ہے جو بیک وقت بہت سے کام کرتا ہے۔

ماضی میں کسی ضمنی مصنوعات (بائی پراڈکٹ) کے بغیر صاف ایندھن بنانا نا ممکن تھا لیکن اس ٹیکنالوجی میں ہرپیدا ہونے والی شے سے فائدہ اٹھایا جاسکتا ہے.

اس سے بننے والے ایندھن کو محفوظ کرکے ایک سے دوسری جگہ آسانی سے لے جایا جاسکتا ہے۔