daira-e-ilm

  آجکل گاجر کا موسم آگیا ہے۔ آئیں گاجروں کو کھانے کا مزا لینے کے ساتھ ساتھ ان کو اگانا اور ان کے بیج حاصل کرنا بھی سیکھتے ہیں ۔ گاجر کا سر والا حصہ کاٹ کر علیحدہ کر لیں اور باقی گاجر کو استعمال کر لیں۔ اب جو گاجر کا اوپر والا حصہ ہے اس کو کسی گملے یا ڈبے میں مٹی بھر کر اس کے اوپر اوپر رکھ کر ہلکا سا دبا دیں۔ تھوڑا تھوڑا سا پانی دیتے رہیں۔  اب کچھ ہی دن میں نوٹس کریں گے کہ اس کے پتے نکلنے شروع ہو گئے ہیں۔ اب اگر آپ نے اس سے بیج حاصل کرنے ہیں تو اس کے لئے تین سے چار مہینے آپ کو اس کو پانی دینا ہے پھر آپ دیکھیں گے کہ یہ ایک تین سے چار فٹ لمبے پودے میں تبدیل ہو گیا ہے اور اس پر پھول آگئے ہیں ہر ایک بڑے پھول میں بہت سے چھوٹے پھول ہوں گے۔  اب پہلے پھولوں کی پتياں جھڑیں گی اور ان کا بیج رہ جائے گا اب بیج کے بڑا ہونے کا وقت ہے پہلے یہ بیج سبز رنگ کے ہوں گے تو ان اتارنا نہیں جب یہ بیج پک کر براؤن ہو جائیں گے تو ان پھولوں کو اتار لیں اور ان سے بیج علیحدہ کر کے ان سے سینکڑوں گاجریں اگا سکتے ہیں۔ بہت ہی آسان طریقہ ہے آپ بھی ضرور آزمائیں۔

توبہ کے معنی رجوع کرنا کےہیں۔ وہ کام جس کے کرنے سے اللّٰہ تعالٰی نے منع فرمایا ہے اسے صرف اللّٰہ کے خوف سے کرنے سے باز آ جانا توبہ کی حقیقت ہے۔ نبی کریم صلَّی اللّٰہُ علیہ و اٰلِہٖ وسلم نے فرمایا: “فعل بد سے پشیمانی توبہ ہے” یہ ایک ایسا قول ہے جس میں توبہ کی تمام شرطیں موجود ہیں۔ توبہ کی شرطیں ۱) توبہ کی ایک شرط تو احکام الہی کی مخالفت کرنے پر افسوس اور ندامت کا اظہار کرنا ہے۔ ۲) دوسری شرط لغزش یا گناہ کو فورًا چھوڑ دینا ہے۔ ۳) تیسری شرط نافرمانی یا گناہ کی طرف نہ لوٹنے کا پکا ارادہ کرنا ہے ۔ یہ تینوں شرطیں ندامت کے ساتھ وابستہ ہیں۔ کیونکہ جب دل میں اپنے کیے پر ندامت پیدا ہوتی ہے تو باقی دونوں شرطیں خود بخود ہی آ جاتیں ہیں۔ جب بندہ اپنے بُرے احوال اور بُرے اعمال میں غور کرے اور ان سے خلاصی طلب کرے تو اللّٰہ تعالٰی توبہ کے اسباب اس پر آسان کر دیتا ہے۔ اور اس کو گناہ کی بدبختی سے نجات دے دیتا ہے۔ اللّٰہ تعالٰی کا ارشاد ہے “فَتَابَ عَلَیْہِ إِنَّہُ ھُوَ التَّوَّابُ الرَّحِیْمِ” ترجمہ: پس اللّٰہ تعالٰی نے اس کی توبہ قبول فرمائی بلاشبہ وہ بڑا توبہ قبول کرنے والا اور نہایت رحم والا ہے۔ نبی ک...

سعودی وزارت داخلہ نے عازمین حج اور زائرین کو مقدس مقامات کی زیارت کی اجازت دینے کے لئے چار مراحل کا اعلان کیا ہے۔ کئی مہینوں سے کورونا وائرس کے پھیلاؤ کو روکنے کے احتیاطی اقدامات کے طور پر ان مذہبی رسومات پر پابندی تھی۔ سعودی عرب کی سرکاری خبر رساں ایجنسی (ایس پی اے) نے وزارت داخلہ کے ان بیانات کا حوالہ دیا ہے۔ جس میں انہوں نے کہا ہے کہ: "تمام ضروری احتیاطی تدابیر اپناتے ہوئے 17 صفر 1442ء سے سعودی عرب کے دہائشیوں اور بیرون ملک سے آنے والوں کے لئے بتدریج عمرے کی ادائیگی کی اجازت دینے کی منظوری دی ہے”۔ خبر رساں ایجنسی نے مزید کہا ، "پہلا مرحلہ: اتوار 17 صفر 1442 ہجری سے شروع ہو گا جس میں صرف سلطنت کے اندر سے شہریوں اور رہائشیوں کو عمرہ کرنے کی اجازت ہو گی۔ ایک دن میں 6 ہزار زائرین کو مسجد کے اندر تمام ایس او پیز پر عمل درآمد کرتے ہوئے داخلے کی اجازت ہوگی۔ " مزید کہا: "دوسرا مرحلہ: اتوار 1 ربیع الاول 1442 ھ سے سلطنت (سعودی عرب) کے اندر سے ایک دن میں 40000 حاجیوں کو احتیاطی تدابیر کو مدنظر رکھتے ہوئے عمرہ کی ادائیگی ، زیارت اور نمازوں کی اجازت ہوگی۔ مسجد نبوی اور مسجد ا...

  ان میں سے زیادہ تر اشیاء شاید آپ کے پاس گھر میں موجود ہوتیں ہیں۔ جب کبھی ہمارا دل باہر کی تازہ ہوا لینے کو کر رہا ہو تو جو چیز ہمیں تکلیف دیتی ہے وہ ہیں مچھر جو ہمیں مسلسل کاٹتے ہیں۔ مچھر کے کاٹنے سے خارش آپ کو دیوانہ بنا دیتی ہے۔ اور زیادہ خارش ( جو کہ بچے بہت زیادہ کرتے ہیں)سے جلد پر زخم بن سکتے ہیں جس سے انفیکشن کا خطرہ ہوتا ہے ۔ معاملات زیادہ خراب ہونے سے پہلے آئیں ان طریقوں کو آزمائیں۔ امکان ہے کہ چند سیکنڈ میں خارش ختم ہوجائے گی۔ 1.  ایلو   ویرا ایلو ویرا بہت سی چیزوں کے لئے فائدہ مند ہے۔ جب آپ دھوپ میں بہت زیادہ دیر تک رہے ہوں۔ تو یہ آپ کو ٹھنڈک کا احساس دلانے میں مدد کرتا ہےـ یہ مہاسوں کا بھی علاج ہے۔ اگر آپ کو مچھر کے کاٹنے سے کھجلی ہو رہی ہے تو ایلو ویرا جِلد کو ٹھنڈک اور سکون بخشتا ہے اور خارش کم کرتا ہے۔ کیا آپ کو اتنی خارش ہے کہ جس سے آپ کی جلد کو خراشیں پڑ گئیں ہیں؟ اگر ایسا ہے تو ایلو ویرا بہت کام آتا ہے! یہ جلد کو دوبارہ ٹھیک ہونے میں مدد کرتا ہے۔ 2.  کیلے   کا   چھلکا اس کی بہت سفارش کی جاتی ہے۔ صرف کیلے کے چھلکے کے اندر والا حصہ مچھر کے ...